Kamusi Tiba ya ULY CLINIC

Pia huitwa moyo kwenda mbio au moyo kwenda kasi, ni hali ambapo moyo hupiga kwa kasi kuliko kawaida au mtu huhisi moyo wake ukipiga kwa nguvu, kuruka au kwenda bila mpangilio. Kwa mtu mzima aliyepumzika, mapigo ya moyo kwa kawaida huwa kati ya 60–100 kwa dakika. Mapigo yanayozidi 100 kwa dakika wakati wa kupumzika huitwa tachycardia na yanaweza kuhitaji kutathminiwa kulingana na mazingira na dalili zinazoambatana nayo.

Ni hali ya kuhisi shinikizo, uzito, kubanwa au kukazwa katika eneo la kifua. Mtu anaweza kuhisi kama kitu kizito kimewekwa kifuani, kifua kimefungwa au hawezi kuvuta pumzi kwa uhuru. Kwa lugha ya kitabibu, hali hii inaweza kuelezwa kama shinikizo la kifua.

Ni neno la kitabibu linalomaanisha hali ya kuhisi upungufu wa pumzi kwa maana ya kuhisi kuwa unapata shida ya kupumua au hewa haitoshi. Mtu mwenye disipnia anaweza kuhisi kama anabanwa kifuani, hawezi kuvuta pumzi ya kutosha, anahitaji kupumua kwa nguvu zaidi au anapumua kwa haraka kuliko kawaida.

Ni hali ya mtu kuhisi kuwa anapata hewa kidogo, anashindwa kuvuta pumzi vizuri, au anahitaji kutumia nguvu zaidi ili kupumua. Mtu anaweza kuhisi kama kifua kinabanwa, hawezi kuvuta pumzi ya kutosha au anahitaji kupumua kwa haraka kuliko kawaida. Kwa lugha nyingine ya kitabibu, hali hii huitwa disipnia.

Ikifahamika pia kama Mvio wa damu kwenye perikadiamu ni hali ambapo damu hukusanyika ndani ya mfuko unaozunguka moyo (perikadiamu). Hali hii hutokea damu inapovuja kutoka kwenye moyo, mishipa ya damu inayozunguka moyo au mishipa mingine ya kifua na kuingia kwenye nafasi ya perikadiamu.