Kamusi Tiba ya ULY CLINIC

ORS ni kifupi cha neno ‘Oral Rehydration Salt’ linalomaanisha chumvi ya kurejesha maji mwilini.

Ni neno tiba lenye jina la kiswahili la "Haidrosili" ambapo ni hali ya kitabibu inayotokea pale ambapo maji hukusanyika kwenye utando unaozunguka korodani (tunica vajinalisi), na kusababisha uvimbe wa mfuko wa korodani. Kwa kawaida, mkusanyiko huu wa maji hausababishi maumivu makali, bali huleta kuongezeka kwa ukubwa wa mfuko wa korodani, uzito, au hisia ya kujaa.

Testicular torsion ni neno tiba lenye jina la Kiswahili la "Kujiviringa kwa korodani" ambapo ni hali ya dharura ya kitabibu inayotokea pale ambapo mishipa inayobeba damu kwenda na kutoka kwenye korodani hujiviringa hivyo kukata mtiririko wa damu kwenda na kutoka kwenye korodani.

Epididymitis ni neno tiba lenye jina la kiswahili la "Epididimaitisi" ambapo ni hali ya kitabibu inayotokea pale ambapo epididimisi (mrija uliopo nyuma ya korodani unaohifadhi na kusaidia kukomaza mbegu za kiume) hupata uchochezi kutokana na maambukizi ya bakteria au, mara chache, sababu zisizo za maambukizi.

Orchitis ni neno tiba lenye jina la kiswahili la "Okaitisi" ambapo ni hali ya kitabibu inayojitokeza pale ambapo tishu za korodani hupata uchochezi (inflamesheni) unaosababishwa na maambukizi ya bakteria au virusi, au mara chache sababu zisizo za maambukizi kama kingamwili kushambulia tishu.