Vidokezo vya Afya

Moringa Oleifera (MO) ni mmea wenye uwezo mkubwa wa kuzuia na kutibu magonjwa mbalimbali ya mfumo wa moyo, ini na kongosho.

Mtoto chini ya umri wa miaka 8 anayetumia dawa ya meno au maji yenye fluoride kwa wingi, meno yake hubadilika rangi.

Vimelea vya maradhi ya mfumo wa upumuaji kama kifua kikuu, mafua, COVID 19 n.k huambukizwa kwa njia ya hewa wakati unasafiri na watu wengi. Mgonjwa akipiga chafya, akikohoa au kucheka hutoa vimelea wanaokaa kwenye hewa kwa masaa kadhaa. Epuka maambukizi haya wakati wa safari kwa kufungua dirisha au kuwasha kiyoyozi wakati wote ili kutoa hewa chafu nje.

Ganzi na hisia za maumivu ya mikono wakati wa ujauzito husababishwa na mgandamizo kwenye mshipa wa fahamu unaopita shimo la kapo. Kukanda kwa maji baridi kisha moto, kufanya zoezi la kukunja ngumi na kunyoosha vidole au kukunja na kunyoosha maungio ya kiganja ni tiba asili ya maumivu hayo.

Gono inayosababishwa na Neisseria gonorrhea dalili zake huonekana siku ya 2 hadi 21 tangu kushiriki ngono hata hivyo wanawake huchelewa kuonyesha dalili za awali na hupata athari zinazotokana na maambukizi.