Elimu ya magonjwa kwa mjamzito

Ni hali ya kawaida kutokea kwenye kanyagio hadi usawa wa kifundo cha mguu na huzidi sana kipindi cha tatu cha ujauzito. Endapo utatokea kwa haraka, kwenye mguu mmoja au kuwa na maumivu, wasiliana na daktari haraka kwa uchunguzi na tiba.

Leba kabla ya wakati hutokea mama anapopata uchungu na kufunguka kwa shingo ya kizazi muda wowote baada ya ujauzito kutimiza wiki 28 na kabla ya wiki 37. Wasiliana na daktari haraka ukipata dalili za hatari kipindi hiki.

Mtoto njiti ni mtoto aliyezaliwa hai kabla ya ujauzito kutimiza wiki 37 kamili, kwa sababu mtoto njiti huzaliwa kabla ya kukomaa vema, huwa na hatari kubwa ya kupata maradhi, madhaifu ya ukuaji na kifo. Kupata huduma sahihi na kushirikiana na daktari hupunguza madhara na kuongeza uwezekano wa kuishi.

Ujauzito kupitiliza umri hufahamika kwa majina mengine ya ‘ujauzito uliopitiliza tarehe’ au ‘uliopitiliza muda’, hutokea endapo mjamzito hajajifungua katika tarehe ya matarajio ya kujifungua baada ya kutimiza wiki 40 kamili au siku 280 za ujauzito.

Kwa kawaida mtoto anatakiwa kuzaliwa na uzito wa kilo 2.5 hadi kilo 3.9, sawa na gramu 2500 hadi gramu 3900. Mtoto kuzaliwa na uzito wa zaidi ya gramu 3900 bila kujali wiki za ujauzito, huitwa mtoto mwenye uzito mkubwa.