Uzazi wa mpango

Kipandikizi cha uzazi (njiti) ni kifaa kidogo huwekwa chini ya ngozi ya mkono na hutoa homoni ya projesteroni kuzuia mimba kwa muda mrefu (miaka 3–5). Hufanya kazi kwa kuzuia ovulesheni na kubadilisha ute wa uke, lakini kinaweza kusababisha mabadiliko ya hedhi na maudhi madogo kama maumivu ya kichwa au kuongezeka uzito.

Kitanzi chenye madini shaba kimeonekana kufanya kazi vizuri sana ya kuzuia mimba kwa kipindi cha takribani miaka 12 na kikitolewa mwanamke huweza kushika mimba kwa haraka.

Kizuizi kimetengenezwa kwa raba laini na huwa na umbo la pia(dome), kizuizi kikiwekwa kwenye mlango wa kuingilia kwenye shingo ya kizazi huzuia mbegu kuingiakwenye mfuko wa uzazi wakati wa tendo la kujamiiana, wakati mwingine vizuizi huwa na kemikali za kuua mbegu za kiume.

Kondomu ya kike imetengenezwa kwa plastic aina aina ya polyurethane, huweza kukinga dhidi ya magonjwa ya zinaa kama pamoja na VVU.

Kufunga uzazi kwa mwanamke hufahamika kwa jina jingine la kufunga mirija ya uzazi au kufunga kizazi, ni njia mojawapo ya uzazi wa mpango inayochaguliwa na wanawake wasio na uhitaji tena wa kupata watoto.

Kufunga uzazi kwa mwanaume hufahamika kwa jina jingine la vasektomi, ni mojawapo ya njia ya uzazi wa mpango wa kudumu kwa mwanaume.

Kufungua kizazi au kufungua mirija ya uzazi kunaweza kusaidia mwanamke kupata ujauzito tena, lakini mafanikio hutegemea umri, hali ya mirija, na afya ya uzazi ya wenzi wote wawili. Tathmini ya kina kabla ya matibabu na ufuatiliaji baada ya upasuaji ni muhimu ili kuongeza nafasi ya ujauzito salama.

Njiti ya uzazi wa mpango ni njia salama, ya muda mrefu na yenye ufanisi mkubwa inayowekwa chini ya ngozi ili kuzuia mimba kwa miaka kadhaa. Hufanya kazi kwa kutoa homoni ya projesteroni pekee, kinafaa hata kwa mama anayenyonyesha, na uwezo wa kushika mimba huweza kurudi haraka baada ya kuondolewa.

Huwa na kemikali medroxyprogesterone acetate inayofanya kazi kama kichocheo cha progesterone kuzuia ujauzito kwa muda wa wiki 14 ingawa sindano huchomwa kila baada ya miezi mitatu kukamilika.

Uzazi wa mpango wa kudumu ni njia salama na yenye ufanisi wa zaidi ya 99% kwa watu waliokamilisha mpango wao wa kupata watoto. Ni uamuzi wa maisha unaohitaji kufanywa kwa umakini mkubwa kwani haukusudiwi kurekebishwa baadaye.

Uzazi wa mpango wa dharura ni njia salama ya kuzuia mimba baada ya kufanya ngono bila kinga, endapo utatumika mapema ndani ya muda unaopendekezwa. Husaidia kuzuia mimba isitunge lakini haupaswi kutumika kama mbadala wa uzazi wa mpango wa kudumu.

Vipo vidonge vya majira vya aina nyingi kama vile vya mchanganyiko wa kichochezi za estrogen na progesterone ambazo huitwa kitaalamu combined pills au kichochezi cha progesterone tu.