Fluconazole na magonjwa ya zinaa

Jibu kwa ufupi

Swali la mteja: "Habari daktari, naomba kujua kama fluconazole inaweza kutibu magonjwa ya zinaa?"

Jibu kwa ufupi: Hapana. Fluconazole hutibu fangasi ukeni, uumeni, kwenye korodani na mdomoni. Magonjwa ya zinaa yanahitaji dawa nyingine kulingana na chanzo. Soma Fluconazole katika tiba.

Maelezo

Fluconazole hutibu

• Fangasi ukeni – muwasho, uchafu mweupe kama maziwa mgando, maumivu wakati wa tendo.

• Fangasi uumeni na kwenye korodani.

• Fangasi mdomoni na kooni.

Magonjwa ya zinaa ambayo fluconazole haitibu

• Kisonono na klamidia – bakteria; antibiotiki.

• Kaswende – bakteria; sindano.

• Trikomona – vimelea; dawa ya aina ya metronidazole.

• Malengelenge – virusi; dawa za kupunguza virusi.

• HPV na VVU – virusi; huduma maalumu.

Kutofautisha kwa dalili (si kwa uhakika)

• Uchafu mweupe mzito kama maziwa mgando, muwasho, bila harufu – mara nyingi fangasi.

• Uchafu wa njano au kijani, wenye povu au harufu – trikomona au bakteria.

• Usaha uumeni, kuungua ukikojoa – kisonono au klamidia.

• Vidonda sehemu za siri – kaswende au malengelenge.

Nini cha kufanya

• Pima kituo cha afya kabla ya kununua dawa – soma Uke kutoa usaha.

• Mwenzi atibiwe pia kama ni ugonjwa wa zinaa.

• Epuka ngono hadi wote mmalize dawa.

• Pima VVU na kaswende ukiwa na ugonjwa wowote wa zinaa.

• Tumia kondomu.

Dalili za hatari

Nenda kituo cha afya mara moja ukiwa na:

• Maumivu ya tumbo la chini na homa.

• Korodani kuvimba na kuuma.

• Vidonda sehemu za siri.

Lini umwone daktari

• Dalili hazipungui baada ya fluconazole.

• Fangasi hujirudia mara 4 au zaidi kwa mwaka.

• Mwenzi wako amegundulika na ugonjwa wa zinaa.

Maswali yanayoulizwa mara kwa mara